Мерц со силна порака: Црна Гора во ЕУ до 2030 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Мерц со силна порака: Црна Гора во ЕУ до 2030 година

29 јули 2026

• од Темелко Тошев

Германскиот канцелар Фридрих Мерц упати јасен повик за конкретен напредок во процесот на проширување на Европската Унија, истакнувајќи дека Црна Гора треба да стане полноправна членка на Унијата до крајот на оваа деценија, односно до 2030 година.

Мерц смета дека пристапувањето на земјите од Западен Балкан мора значително да се забрза. Потсетувајќи дека ЕУ нема примено нови членки веќе 13 години, тој посочи дека Унијата мора да остане отворена за оние држави кои ги исполнуваат строгите критериуми од Копенхаген.

„Црна Гора го прави тоа. И тогаш и Европската Унија мора да си го одржи зборот“, нагласи германскиот канцелар, додавајќи дека земјата не смее да биде оставена во „чекална“ само затоа што другите кандидати од регионот сè уште не се подготвени.

Механизми за побрзо приближување на Украина

Покрај Западен Балкан, Мерц се осврна и на Украина, нагласувајќи дека на Киев треба брзо да му се овозможат механизми за приближување кон ЕУ. Тој го повтори својот предлог за „асоцирано членство“ на Украина, кое би ѝ овозможило статус на набљудувач на седниците на Советот на ЕУ, истакнувајќи дека земјата веќе постигнала „значителен напредок во реформите“.

Драстични кратења во буџетот на ЕУ

За време на посетата на Даблин и заедничката прес-конференција со ирскиот премиер Мајкл Мартин (со оглед на тоа што Ирска го презеде претседателството со Советот на ЕУ на 1 јули), Мерц изнесе и цврст став околу европските финансии. Тој побара заштеди во износ од неколку стотици милијарди евра во следната Повеќегодишна финансиска рамка (МФР) на ЕУ за периодот 2028-2034 година.

Европската комисија претходно предложи финансиска рамка од речиси два билиони евра, сума што Мерц ја оцени како „далеку превисока“.

„Не можеме да прифатиме толку големо и широко проширување на европскиот буџет. Потребен ни е буџетски предлог со намалувања во сите области“, изјави Мерц, додавајќи дека предложените бројки не се избалансирани.

Германија, која е најголемиот нето-придонесувач во буџетот на ЕУ, бара конечниот договор да биде финансиски одржлив за германскиот државен буџет. Мерц ја илустрираше поентата со фактот дека германската влада планира да скрати 8% од работните места во сојузната администрација во следните четири години, порачувајќи дека „не е прифатливо на европско ниво да се создаваат 2.500 нови работни места“.