Украина тврди дека уништи осум руски радарски и противвоздушни системи во Краснодар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Украина тврди дека уништи осум руски радарски и противвоздушни системи во Краснодар

03 август 2026

• од Стефан Николов

Украинските сили за беспилотни системи соопштија дека извеле координиран напад врз осум руски радарски и противвоздушни системи во Краснодарскиот регион, на повеќе од 270 километри од линијата на фронтот.

Според украинската војска, цел на операцијата биле еден противвоздушен систем „Тор-М2“ и седум различни радарски станици распоредени во близина на воени објекти што се користат за заштита на аеродроми и локации од кои се лансираат беспилотни летала од типот „Шахед“.

Меѓу погодените цели, како што тврди Киев, се радарските системи „Небо-С“, „Небо-У“, „Небо-СВ“, „Гама-С1М“, две станици „Каста-2Е2“ и радарот „37Т“, распоредени во близина на Јејск, Приморско-Ахтарск, Камишеватскаја, Пригибски и Шабелскоје.

Украинските сили наведуваат дека со оваа операција Русија изгубила важни елементи од својот систем за воздушно набљудување и противвоздушна одбрана, што би можело да ја намали способноста за заштита на воените аеродроми и базите од кои се изведуваат напади со беспилотни летала.

Руските власти засега не ги потврдија овие тврдења, а нема ниту независна потврда за обемот на нанесената штета.

Нападот е дел од серијата украински удари врз воена и логистичка инфраструктура длабоко на руска територија, кои во последните месеци се интензивираа.