Раја Назарјан: За нас, Бугарите, Трети март е денот на слободата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Раја Назарјан: За нас, Бугарите, Трети март е денот на слободата

03 март 2026

• од Станча Јаќимовски

Во Бугарија, Трети март се одбележува како Национален празник – Денот на ослободувањето. По тој повод, претседателката на Народното собрание, Раја Назарјан, упати порака до граѓаните, нагласувајќи го значењето на слободата како највисока национална вредност.

„За нас, Бугарите, Трети март е денот на слободата. Слободата што треба да ја цениме во секој миг, затоа што е извојувана со саможртвата на илјадници наши и странски херои, кои ги дадоа своите животи за да ја има денес нашата Бугарија“, изјави Назарјан по повод празникот.

Таа повика граѓаните да бидат достојни наследници на хероите кои се бореле за независноста и да ги следат нивните идеали. Според неа, зачувувањето на мирот претставува заедничка обврска на сите генерации.

„Да бидеме нивни достојни наследници, да ги следиме нивните идеали и да го чуваме мирот за кој тие копнееја“, нагласи таа.

Во својата порака, претседателката на парламентот истакна дека мирот не е нешто што се подразбира, туку резултат на постојани напори и одговорност.

„Да помниме дека овој мир не се постигнува дарум, тој е резултат на нашите заеднички напори и треба да се брани секој ден. Поклон пред светлата памет на хероите! Да живее Бугарија!“

Со свечености и оддавање почит на паднатите борци, Бугарија традиционално го одбележува овој историски датум, потсетувајќи се на жртвите и идеалите што ја обликувале современата држава.