19 ноември 2026
• од Гоце Кически
Бугарија ќе биде одговорна за изградбата на прекуграничниот железнички тунел „Деве Баир“ со Северна Македонија, вклучително и за тендерите за градба и надзор. Бугарската влада го одобри нацрт-протоколот како основа за преговори, а документот треба да биде потпишан и да помине низ потребните домашни процедури.
Тунелот, долг околу 2,4 километри, треба да ги поврзе железничките мрежи кај Ѓуешево и Деве Баир и да овозможи продолжување на пругата кон Крива Паланка и Скопје. Тој е важен дел од Коридорот 8, кој треба да ја подобри транспортната поврзаност меѓу двете земји.
Според Economic.bg, договорот за поделба на одговорностите бил усогласен на состанок на мешаниот комитет во септември. Претходниот меѓудржавен договор, потпишан во ноември 2025 година, го оставил прашањето за организацијата на изградбата за дополнително договарање.
Протоколот допрва треба да го потпишат министрите за транспорт на двете земји. Потоа ќе следуваат процедурите за негово одобрување и стапување во сила.
Ненадминливи Понуди Дневно
4.8 (10276 рецензии)
Заштедете 152.00 ден

