18 ноември 2026
• од Тодор Вангелов
Организациите за заштита на правата на жените бараат институциите да преземат конкретни мерки по седумте фемициди регистрирани во земјава годинава. Тие повикуваат на прекин на конференциите и промотивните активности за време на кампањата „16 дена активизам против родово базираното насилство“.
Меѓу барањата се итно усвојување на законските измени и издвојување најмалку 200 милиони денари во Буџетот за 2027 година за заштита на жртвите. Организациите бараат и утврдување институционална одговорност и независна истрага за пропустите, вклучително и во случајот со 17-годишната девојка од Богданци.
Тие го поддржуваат протестот на иницијативата „Ниту една повеќе“, најавен за 25 ноември, и бараат институциите до 10 декември да покажат какви конкретни резултати постигнале. ТВ21 известува дека организациите сметаат оти декларативните изјави и симболичните активности не се доволни.
Ненадминливи Понуди Дневно
4.8 (10276 рецензии)
Заштедете 152.00 ден

