Уставните измени остануваат услов и со нови правила за проширување на ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Уставните измени остануваат услов и со нови правила за проширување на ЕУ

08 октомври 2026

• од Гоце Кически

Предлогот на Европската комисија за поголема употреба на квалификувано мнозинство во процесот на проширување не ги укинува обврските што Северна Македонија ги презеде во рамките на европскиот договор од 2022 година. Уставните измени и натаму остануваат услов за продолжување на пристапните преговори.

Европската комисија предлага дел од одлуките во текот на преговорите, меѓу кои и отворањето на кластери, во иднина да може да се носат со квалификувано мнозинство. Целта е да се намали можноста една земја членка подолго време да го блокира напредокот на кандидатите.

Сепак, промената на начинот на гласање не значи и бришење на веќе договорените услови. За Северна Македонија, според постојната преговарачка рамка, следниот чекор е поврзан со уставни измени со кои во Уставот треба да бидат опфатени и граѓаните што се дел од бугарскиот народ.

Бугарија, како и другите членки на Унијата, истовремено го задржува правото да учествува во конечната одлука за прием на нова земја. За членство и понатаму е потребна едногласност, согласност од Европскиот парламент и ратификација на договорот за пристапување од сите земји членки.

Оттука, евентуалното ограничување на можноста за поединечни блокади во одредени фази би можело да го направи проширувањето поефикасно, но не ги менува обврските што Северна Македонија веќе ги презела. Уставните измени остануваат услов за продолжување на европскиот пат според сегашната преговарачка рамка.