Денеска 15 септември 2026 година се празнува Светиот маченик Мамант: Животот и страдањата на 15-годишниот исповедник

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 15 септември 2026 година се празнува Светиот маченик Мамант: Животот и страдањата на 15-годишниот исповедник

15 септември 2026

• од Темелко Тошев

Православните верници денеска го одбележуваат споменот на Светиот маченик Мамант, кој со својот живот, непоколеблива вера и мачеништво оставил голема трага во христијанската историја.

Раѓање меѓу затворските ѕидови Светиот маченик Мамант бил родум од Пафлагонија. Неговите родители, Теодот и Руфина, биле прочуени христијани кои поради Христовото име биле фрлени во затвор. Во тешките затворски услови, најпрво починал татко му, а набрзо по породувањето се упокоила и неговата мајка. Така, новороденчето останало само во затворот, меѓу мртвите тела на своите родители.

Но, според преданието, Бог испратил Свој Ангел кај благородната вдовица Ама. Ангелот ѝ се јавил во сон и ѝ порачал да отиде во затворот за да го земе детето. Откако Ама измолила дозвола од градоначалникот да ги закопа починатите, го зела младенецот во својот дом и го одгледала. Детето прозборело дури на петгодишна возраст, а неговиот прв збор бил „мама“, поради што и го добило името Мамант.

Исповедник на верата уште од мали нозе На училиште, Мамант се истакнувал со необична бистрина. Бидејќи од дома бил воспитуван во силен христијански дух, тој не ја криел својата вера пред врсниците, туку отворено ја исповедал, исмевајќи ги паганските идоли.

Во тоа време, за време на владеењето на царот Аврелијан, се спроведувало жестоко гонење на христијаните, во кое не биле поштедени ниту децата. Кога имал само петнаесет години, Мамант бил изведен пред царот, кој од него побарал барем на збор да се одрече од Христа. Младиот Мамант храбро одговорил: „Ниту во срцето ниту со устата нема да се одречам од мојот Бог и Цар Исус Христос“.

Мачења, чуда и самотија Поради неговата непоколебливост, царот наредил да го тепаат и да го горат со свеќи, а на крајот го фрлиле во морето. Но, Божји Ангел го спасил и го одвел на висока гора во близина на Кесарија, каде што Мамант продолжил да живее во самотија и непрестајна молитва. Неговата светост била толку голема што дури и дивите ѕверови се припитомувале во негова близина.

Сепак, гонителите го пронашле и таму, по што повторно бил подложен на страшни маки. Откако со Божја помош ја победил силата на огнот и на дивите ѕверови, тој бил прободен со трозабец од страна на еден идолски жрец.

Така Светиот маченик Мамант Му ја предал својата света душа на Бога, останувајќи Му верен до самиот крај. Според преданијата, од неговите свети мошти подоцна се случиле многубројни исцелувања на болни.