27 септември 2026 – Крстовден: Денот на Чесниот и Животворен Крст

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

27 септември 2026 – Крстовден: Денот на Чесниот и Животворен Крст

27 септември 2026

• од Темелко Тошев

Православните христијани денеска, 27 септември, го одбележуваат Крстовден, еден од значајните празници посветени на Чесниот и Животворен Крст Господов.

На овој ден Црквата се сеќава на два големи настани поврзани со Крстот Христов – пронаоѓањето на Чесниот Крст на Голгота и неговото враќање од Персија во Ерусалим.

Според црковното предание, светата царица Елена, мајката на царот Константин Велики, за време на своето патување низ Светата Земја решила да го пронајде Крстот на кој бил распнат Исус Христос. Местото каде што бил закопан Крстот го открил старецот Јуда, кој посочил дека се наоѓа под храмот на Венера, изграден на Голгота во времето на римскиот цар Адријан.

По наредба на царицата Елена, храмот бил урнат, а при ископувањата биле пронајдени три крста. Бидејќи не можело веднаш да се утврди кој од нив е Христовиот Крст, патријархот Макариј предложил крстовите еден по еден да бидат положени врз починат човек кој во тој момент бил носен на погреб.

Според преданието, кога третиот крст бил положен врз починатиот, тој оживеал. Крстот потоа бил положен и врз болна жена, која оздравела. Така било утврдено дека станува збор за вистинскиот Христов Крст.

Патријархот Макариј го подигнал Крстот високо за да може да го види собраниот народ, кој со молитва извикувал: „Господи, помилуј!“ Царицата Елена наредила да биде изработен сребрен ковчег во кој бил положен Чесниот Крст.

Неколку векови подоцна, по освојувањето на Ерусалим, персискиот владетел Хозрој го однел Крстот во Персија, каде што останал 14 години.

Во 628 година, византискиот цар Ираклиј ја победил персиската војска и свечено го вратил Чесниот Крст во Ерусалим. Преданието вели дека царот го носел Крстот на своите плеќи, но во еден момент не можел да продолжи кон Голгота.

Патријархот Захарија му укажал дека Христос го поминал тој пат бос, понижен и во страдање, додека царот бил облечен во раскошна царска облека. Ираклиј тогаш ја соблекол царската облека, тргнал бос и скромно облечен, го однел Крстот до Голгота и го положил во храмот на Воскресението.

Крстовден и денес е празник што го потсетува христијанскиот свет на Христовото страдање, жртвата и победата на животот над смртта. Во православната традиција празникот е исполнет со молитва, духовно преиспитување и почит кон Чесниот Крст како еден од најзначајните симболи на христијанската вера.