Крај на европското лето: Шкендија се изнапромаши, Македонија остана без клубови во Европа!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Крај на европското лето: Шкендија се изнапромаши, Македонија остана без клубови во Европа!

14 август 2026

• од Темелко Тошев

Македонскиот клупски фудбал и официјално остана без свои претставници на меѓународната сцена оваа сезона. Тетовска Шкендија, која беше нашата последна надеж, го заврши својот настап во третото квалификациско коло од УЕФА Конференциската лига. Избраниците на Артим Положани одиграа само 0:0 на домашен терен во Скопје против шкотскиот Хибернијан, што не беше доволно за понатамошен пласман поради примениот гол во финишот на првиот натпревар во Единбург (2:1). Со елиминацијата на Шкендија, бројката на македонски клубови во Европа сега падна на нула.

Натпреварот на арената „Тодор Проески“ покажа дека тетовци имаат квалитет и желба за надигрување, но реализацијата беше нивната најслаба точка. Шкендија буквално се изнапромаши, пропуштајќи низа одлични шанси да го сврти двомечот во своја корист. Уште во првото полувреме, преку косовскиот интернационалец Криезиу и активниот Тамба, македонскиот вицешампион сериозно се закани, но австрискиот голман на гостите, Салингер, остана несовладан. На спротивната страна, Хибернијан трпеливо чекаше преку контранапади, а голманот Рамани во неколку наврати одлично интервенираше.

Во второто полувреме, притисокот на Шкендија се зголеми. Влегувањето на Красниќи го раздвижи средниот ред, а најзрелата шанса за гол пристигна во 66. минута кога ударот на Ндзенгуе заврши на неколку сантиметри покрај стативата. Тренерот Положани во финишот го фрли во оган и искусниот Бесарт Ибраими, но ниту огромните мешаници во противничкиот шеснаесетник во судиското продолжување не донесоа радост. Шкотскиот тим издржа, ја зачува почетната нула и закажа плеј-оф пресметка со белгиски Гент.

Со ова се затвора уште едно разочарувачко европско лето за македонскиот клупски фудбал. Шкендија го заврши својот пат по вкупно шест одиграни натпревари во Европа, иако прикажа игра со која можеби заслужи повеќе среќа против неубедливиот Хибернијан. На крајот, суровата реалност е дека нема повеќе македонски клубови во Европа. За Шкендија сега останува фокусот целосно да се пренасочи кон домашното првенство и атак на титулата во ПМФЛ.